Përgjatë bulevardit “Dëshmorët e Kombit” dhe rreth e rrotull Kryeministrisë janë vendosur forca të shumta policie për të mbikëqyrur protestën e opozitës që do të mbahet mes godinës së qeverisë dhe Kryesisë së Kuvendit.

Nga pamjet e kapura është fiksuar edhe një efektiv nga tarraca e kryeministrisë teksa kontrollon me dylbi të gjithë perimetrin ku ndodhen qytetarët.

Po kështu sipër godinës janë vendosur edhe snajperistë. Kjo është një masë e përcaktuar me protokoll në të tilla situata për të siguruar maksimalisht institucionet kryesore të vendit.