Video-lojërat janë bërë një pjesë e pandashme e të rinjve sot, por jo vetëm, shpesh edhe grupmoshat e tjera i përdorin si një element anti-stres për të lehtësuar deri diku lodhjen që marrin gjatë ditës. Mirëpo, duke qenë se përdorimi i tyre është i madh dhe i shpeshtë ,ka bërë që ato të krijojnë varësi për ata që luajnë .Dhe e gjitha kjo kërcënon shëndetin mendor sipas një studimi të fundit të klasifikimit të sëmundjeve.

Agjencia e OKB-së për shëndetësinë tha se klasifikimi i ‘Çrregullimit nga lojërat”, si një gjendje e veçantë do të shërbejë për qëllime të shëndetit publik në mënyrë që vendet të jenë më të përgatitur për të identifikuar këtë problem.

Dr. Shekhar Saxena, drejtor i departamentit të OBSH për shëndetin mendor tha se: OBSH pranoi propozimin që “Çrregullimi nga Lojërat” duhet të renditet si një problem i ri i bazuar në prova shkencore.

Kurse dr. Joan Harvey, një zëdhënëse e Shoqërisë Britanike Psikologjike tha:

“Vetëm një pakicë e njerëzve që luajnë preken nga ky çrregullim dhe paralajmëroi se caktimi i ri mund të shkaktojë shqetësime të panevojshme për prindërit. Njerëzit duhet ta kuptojnë këtë, nuk do të thotë se çdo fëmijë që shpenzon orë duke luajtur është i varur,  përndryshe mjekët do të mbyteshin me kërkesa për ndihmë.”

Ndërsa të tjerë mbështetën klasifikimin e ri të OBSH-së, duke thënë se është e rëndësishme të identifikohen personat e varur nga video-lojërat, sepse ata zakonisht janë adoleshentë ose të rinj që mund të mos kërkojnë ndihmë.