Kourtney Kardashian është mërzitur me xhelozinë e të dashurit shumë më të ri sesa vetja, Younes Bendjima, i cili nuk ishte dakord me foton e saj që i ekspozonte krejt fundshpinën.

39-vjeçares nuk i kanë pëlqyer komentet e Younes-it, 25 vjeç, dhe sidomos fakti që i bëri ato publike. Kjo i duket shenjë e një impulsiviteti të tepruar. Ndërkohë, njerëz pranë ish-boksierit e justifikojnë veprimin e tij me faktin që nuk e duron dot ta shohë të dashurën gjysmë të zhveshur në sytë e botës.

“Ai e do Kourtney-n vetëm për vete”, rrëfejnë ata.

Dyshja tani vonë është kthyer nga një udhëtim disajavor në Europë. Younesin, që punon si model, e merr malli “çmendurisht” për Korutney-n kur ajo është larg, por 39-vjeçarja mendon se i dashuri i vet duhet ta kapërcejë këtë problem, pasi distanca vjen si pasojë e punës së saj dhe këtë gjë nuk ka ndërmend ta ndryshojë.