Xhustino Hasani është një emër jo pak i njohur për publikun shqiptar dhe vetëm para tre ditësh ai ka publikuar këngën e tij më të fundit, të cilës i ka vendosur titullin ‘Ajo’

Xhustino është bërë pjesë e botës muzikore në vitin 2011, vit në të cilin ai ka marrë pjesë në ‘Top Fest’, ku ka konkurruar me këngën ‘Me lot në sy’.

Ndërsa në vitin 2017 u rikthye për publikun me këngën ‘Gjithmonë’ në emisionin ‘Kënga Magjike’.

Ai është nga ata këngëtar që këndojnë me shpirt dhe dinë sesi të prekin zemrat e njerëzve.

Për 55news.al Xhustino tregon se  ‘Ajo’ flet për histori të vërteta dashurie në epokën kur dashuria duket se ka humbur.

E mbi të gjitha sipas Xhustinos ‘Ajo’ është një këngë për çdo djalë të dashuruar, për t’u kujtuar atyre se duhet ta shprehin dashurinë që kanë në zemër.