Martesa e tyre katërvjeçare konsiderohet të jetë një nga më të qëndrushmet në showbiz. Por dje, raportet e bujshme pohuan se George dhe Amal Clooney janë në shkëmbinj.

Martesa e tyre 4-vjeçare konsiderohet si një nga më të qëndrueshmet në showbiz-in botëror. Bëhet fjalë për martesën e aktorit të famshëm George Clooney me Amal.

Por një ditë më parë u raportua se marrëdhënia e tyre është drejt divorcit. Sipas gazetës së showbiz-i amerikan “Radar Online”, Amal ka ikur me binjakët e tyre në shtëpinë e re të çiftit në Sardenjë.

“Ai donte që ata të gëzonin pronën e re së bashku, por pas një debati eksploziv ajo vrapoi atje me Aleksandrin dhe Ella”, pohoi një burim pranë çiftit.

Burimi ka shtuar se Amal i ka thënë George se nëse shkon që të takojë fëmijët, ai duhet që të qëndrojë te shtëpia e mysafirëve.

Në lidhje me këto lajme ka reaguar vetë aktori, i cili për “Hollywood Life” është shprehur se “historia është e sajuar”.

Madje së fundmi ata dukeshin mjaft të lumtur pranë njëri-tjetrit. George së bashku me prindërit e tij Nick dhe Nina mbështetën Amalin në 23-vjetorin e Shoqatës së Korrespondentëve të Kombeve të Bashkuara në Nju Jork më 6 dhjetor.

Ndërkohë kujtojmë se vitin e kaluar, Amal foli për historinë e saj të dashurisë, duke pranuar se aktori i “Hollywood”-it ishte “dashuria e madhe që ajo gjithmonë shpresonte se ekzistonte”.