Në Shqipëri jetojnë në kushte ekstreme dhe sportistët që janë kampionë. Këtë e ka konfirmuar atletja e njohur Klodiana Shala, e cila rrëfeu në "Late Night Show" në Ora News jetën e Genc Lugjaj që jeton në fukarallëk.
Madje vëllai i tij ndërroi jetë para dy vitesh për shkak të të ftohtit.
Klodiana Shala: Para nja dy-tre ditësh i është shembur shtëpia një sportisti dhe ai ka 30 vite që ka qenë kampion kombëtar, Genci. Kam dy vite që me mundime shkoj sa andej këtej në Bashki. Vëllai i këtij sportistit i vdiq nga të ftohtit parvjet. Ai ka 30 vite që është kampion kombëtar dhe po të shikoje shtëpinë e atij, është një tmerr i vërtetë. Unë jam jashtëzakonisht e lumtur që luftoj dhe jam zëri i sportistëve për të mirën.
