Prestigjozja britanike, ‘Daily Mail’ i ka kushtuar një artikull reperit shqitpar, Fari Lleshi, i njohur me pseudonimin ‘2Gunz’. Për “Daily Mail’ ka qenë interesant fakti se pavarësisht se reperi është i burgosur në një burg të Britanisë, ai është aktiv në rrjetet sociale dhe qëndron i lidhur me botën e jashtme përmes telefonit.

Fari Lleshi është dënuar me tre vite burg për trafik droge. Më parë ai është dëbuar nga Italia pasi grabiti një bankë dhe u dënua me 6 vite burg.

Tabloidi britanik shkruan se reperi poston video duke pirë hashash në qeli dhe duke kënduar. Në artikull thuhet se 29-vjeçari hyri ilegalisht në Britaninë e Madhe me kamion, ndërsa më pas ndihmoi bashkatdhetarët e tij të bënin të njëjtën gjë.