Rey Manaj nuk është më një futbollist i Interit.

Sulmuesi shqiptar ka firmosur një kontratë 5-vjeçare me ekipin spanjoll Albacete, skuadër e kategorisë së dytë.

Mirëpo, Nerazzurrët e kanë përfshirë edhe klauzolën e riblerjes së futbollistit.

Manaj është në pronësi të Interit që nga viti 2015, ndërsa ka luajtur si huazim te Pescara, Pisa dhe së fundmi te Granada (2017-2018).

Ai tani do të kthehet sërish në futbollin spanjoll, ku në bazë të kontratës do të luajë një kohë të gjatë.

Manaj ka lindur në Lushnjë, ndërsa si fëmijë u vendos në Itali së bashku me prindërit e tij, ku edhe e nisi karrierën si futbollist.

Ai ka qenë pjesë e Akademisë së Piacenzas dhe Cremoneses, ndërsa edhe si i ri ishte provuar te Sampdoria dhe Interi në formë huazimi.