Ekipi i Luftëtarit e ka nisur në mënyrën më të shëmtuar të mundshme aventurën e tij në “Europa League”.  

Ventspils ishte kundërshtari i turit të parë kualifikues për kompeticionin e dytë për nga rëndësia në Europë, një ekip modest futbolli që duket se ka shënuar një nga ato rezultatet që i ka thuajse të zakonshme në duelet e kampionatit letonez.

Plot 5 gola, e për më tepër në vetëm 43 minuta, dy prej të cilave me penallti, duket se kanë shkatërruar që në nisje ëndrrat e gjirokastritëve për të kaluar qoftë edhe një tur të vetëm në Europë, në sfidën e luajtur pasditen e kësaj të enjteje në Letoni.

Duhet të theksohet se 4 gola u shënuan nga i njëjti kundërshtar, Akinyemi, njëri me penallti, ndërsa 11-metërshi tjetër u realizua nga Aiyegun. Edhe pse Luftëtari kishte edhe 45 minutat e dytë në dispozicion, për të shënuar golin e nderit, që matematikisht do t’i mbante në lojë për sfidën e kthimit në “Elbasan Arena”, pas një jave, gjirokastritët dorëzuan armët pa kushte