Ekipet e Manchester City dhe Manchester United janë mbretërit e merkatos së transferimeve gjatë 5 viteve të fundit.
Të dyja skuadrat e “Premier League” kanë shpenzuar plot 1 miliard e 874 milionë euro për blerje futbollistësh. Që nga viti 2013, Manchester City ka investuar 1 miliard e 14 milionë euro, ndërsa United 860 milionë euro.
“Fajin” më të madh në këto shpenzime marramendëse e kanë trajnerët aktualë të këtyre dy skuadrave, Pep Guardiola dhe Jose Mourinho. Që nga ardhja e Guardiolës në stol në vitin 2016, skuadra “Citizens” ka shpenzuar 600 milionë euro, ndërsa “Djajtë e Kuq” shpenzuan 431,4 milionë euro që nga momenti kur në stol u ul Jose Mourinho.
