Mesfushori francez i Manchester Unitedit, Paul Pogba, thuhet se nuk dëshiron të luajë më për trajnerin e tij, Jose Mourinhon.
Francezi i ka thënë lojtarëve dhe shefit ekzekutiv të “Djajve të kuq”, Ed Woodwardit, se ai dëshiron të transferohet në Barcelonë, raporton DailyMail.
Madje thuhet se 25-vjeçari ka arritur marrëveshje me katalonasit për një kontratë, sipas së cilës Pogba do të fitonte 100 milionë euro për pesë vite.
Klubi anglez nuk dëshiron të shesë francezin, pasi që do ta kishin pothuajse të pamundur të gjenin një mesfushor tjetër për ta zëvendësuar para se të mbyllet afati kalimtar në Angli, të enjten.
