Futbollisti me origjinë shqiptare, Granit Xhaka është ndër më të lakmuarit për të marrë shiritin te Zvicra pasi përveç 66 ndeshjeve me këtë kombëtare ai shihet si një futbollist me mjaft influencë.
Edhe pse rezultatet janë pro Xhakës, jo të gjithë duan që futbollisti shqiptar ta marrë atë shirit.
Ish-futbollisti i Liverpool dhe kombëtares zvicerane, Stéphane Henchoz, shprehet se Xhaka nuk duhet të gradohet kurrë si kapiten i helvetëve pasi ai nuk është zviceran.
Në një intervistën e dhënë për “Blic” Henchoz shprehet se Xhaka nuk ka përse të jetë kapiten i Zvicrës:
“Ai luan rregullisht te Arsenal, por mendoj se kapiteni duhet të përfaqësojë Zvicrën dhe skuadrën. Xhaka nuk e bën.”
Kur pyetet se si mund të ndihet nëse Zvicra vazhdon me trajner Petkovic nga Sarajeva dhe kapiten Xhakën me origjinë shqiptare Henchoz përgjigjet: “Ky do të ishte një problem i madh”.
