Ka nisur kampionati i Kategorisë së Parë, ku këtë sezon luan edhe Vllaznia. Shkodranët e kanë nisur kampionatin në fushën e tyre, ku pritën Korabin dhe fituan 2-1.
Ka përfunduar ndeshja në stadiumin “Loro Boriçi”, Ku Vllaznia ka marrë 3 pikët e para në Kategorinë e Parë. Skuadra e trajnerit Hasan lika ka vuajtur jo për të mposhtur Korabin. Golin e Hajdarit në shtesën e pjesës së parë e ka barazuar Murrja në minutën e 65-të, por pak minuta më pas braziliani Zhunior ka shënuar me kokë dhe i ka dhënë fitoren Vllaznisë.
Ishte ndeshja e parë, por Vllaznia nuk është se ka bindur, sidomos në lojën sulmuese, duke humbur shumë raste shënimi në zonën e portierit Birja. Gjithsesi, rëndësi kanë pikët për shkodranët, që e kanë nisur mbarë rrugën e kthimit në Superiore. Ndeshja e tjera të javës së parë në Grupin e Veriut do të zhvillohen nesër.
