Trajneri i Kombëtares Shqiptare U-19, Erion Bogdani, ka prezantuar sot listën e futbollistëve, në ambientet e FSHF-së.

Ajo që ka rënë në sy në këtë listë, ka qenë numri i lartë i lojtarëve që luajnë në Shqipëri dhe në Itali. Kombëtarja e U-19 do të luajë tre takime mjaft të rëndësishme në muajin tetor, teksa në harkun kohor të pak ditëve do të sfidojë Ukrainën, Sllovakinë dhe Norvegjinë.

Sipas shortit Shqipëria do të presë të gjitha ndeshjet e këtij grupi, që do të zhvillohen në Kamëz dhe në Durrës.