Rikthehet sërish dhuna në arenën e futbollit shqiptar. Klubi i Burrelit në një reagim për gazetën, akuzon: “Trajneri Bubeqi së bashku me zëvendësin hynë në fushë dhe sulmuan gjyqtarin anësor.
Ndërsa në fund të takimit kur po hynim në dhomat e zhveshjes, është goditur lojtari ynë Osmanllari. Gjithashtu, janë lëshuar lumë ofendimesh dhe sharjesh. Turp që ndodhin gjëra të tilla. Jemi provokuar me ofendime gjatë gjithë takimit, por kemi ruajtur qetësinë. Ndërsa vendësit ishin shumë agresivë gjatë gjithë kohës”, thuhet në reagimin e klubit të Burrelit.
Duhet të kujtojmë që Osmanllari është pjesë e Skënderbeut dhe luan si i huazuar te skuadra matiane, së bashku me Ivanin që dje realizoi golin e barazimit.
