Duke folur për gjetjen e trupit të futbollistit 24-vjeçar në një zonë malore në Sao Josedos Pinhais një javë më parë, Trevisan tha se ngjarjet që kishin ndodhur para vdekjes së lojtarit ishin plotësisht të tepruara. Correa u gjet me kokë të hequr dhe organe gjenitale të prera.

“Kryeresi i krimit e kishte tepruar pavarësisht se a kishte shkuar Daniel në shtrat me bashkëshorten e tij apo jo, gjë të cilën ende nuk e dimë”, tha Trevisan në një konferencë për media.

“Nuk ka pasur nevojë ta vriste atë dhe aq më pak në mënyrë aq barbare dhe mizore”, shtoi ai.

I dyshuari Edson Brittes Junior, bashkëshortja e tij Cristiana dhe vajza e tyre Allana janë arrestuar nën dyshimin se e kanë vrarë Correan. Futbollisti ishte ftuar në ditëlindjen e 18-të të Allanës dhe ishte, sipas policië, befasuar në shtrat me bashkëshorten e Brittes vonë atë natë.

Brittes ka pohuar për një televizion brazilian se Correa kishte tentuar ta dhunonte bashkëshorten e tij.