Qëndrimi ose jo i Christian Panuccit është kthyer në një çështje në kombëtaren shqiptare. Rezultatet negative dhe loja e dobët kanë bërë që drejt italianit të vërshojnë kritika të shumta.

Megjithatë, fjalën e fundit e ka presidenti i FSHF-së, Armand Duka, i cili do të vendos për të ardhmen e ish-mbrojtësit të Realit të Madridit dhe Romës. Gjithsesi, deri në këto momente, Duka nuk ka marrë një vendim konkret.

"Po ndodh një ndryshim brezash. Ata që e kanë përjetuar një emocion, e kanë të vështirë të motivohen sërish. Në futboll, dhe kudo mbahen mend rezultatet. Është e vështirë të flasësh për performancë pa rezultate. Në Izrael, pashë që ka një ndryshim. Panucci? Është e vështirë të më kërkosh mua një mendim për Panuccin. Do flas si drejtues, sepse nuk mund ta analizoj. Ka goxha gjëra për të korrigjuar, edhe pse ka dëshirë për të punuar, ka pasur një karrierë të madhe si futbollist."-tha Duka.

Deklaratat Duka i bëri në emisionin e pasdites të Rudina Magjistarit.