Portieri kishte shpresuar se do të kishte mundësi t’i jepte fund karrierës së tij në stadiumin Santiago Bernabeu pasi që ishte portier në këtë klub që nga viti 1999, e para kësaj kishte qenë edhe pjesë e akademisë.

Megjithatë, në sezonin e tij të fundit me Real Madridin, ai e humbi vendin si portier i parë i skuadrës, e cila drejtohej nga trajneri Jose Mourinho. Kjo gjë bëri që ai përfundimisht të largohet dhe të transferohet në Porto në vitin 2015.

Pasi u largua nga Real Madridi, Casillasi pretendoi se ishte detyruar ta bënte këtë zgjedhje nga presidenti i klubit, Florentino Perez. Në një intervistë të publikuar në MARC, Casillas ka reflektuar për fillimin dhe fundin e karrierës së tij me “Los Blancos”.

“ Nëse do ta kisha vazhduar me Real Madridin, atëherë do të kisha pasur një fund edhe më të keq se sa që e pata. Unë ende e mbaj mend debutimin tim dhe e mbaj mend se e kisha ndarë dhomën me Fernando Hierron dhe ai më la vetëm në dhomë në vend se ta mbështeste një djalosh 18-vjeçar”, ka thënë Casillas.

“Mund të kisha luajtur edhe më mirë në atë ndeshje, por të debutosh në moshën 18-vjeçare në San Mames nuk është aspak e lehtë. Ai ishte një sezon i vështirë por ishte pika kthyese për mua, pasi që luajta mirë për shumicën e sezonit, por në tre muajt e fundit, Vicente del Bosque filloi t’i besonte më shumë Cesarit”.

“Unë madje kisha menduar të largohem qysh atëherë pasi që nuk po luaja shumë dhe doja ta vazhdoj zhvillim tim, por pastaj e fituam titullin e Ligës së Kampionëve. Nuk mund ta ndaloja duke qarë dhe mbreti m’i pickoi faqet, por unë nuk mund ta ndaloja veten”.