Skuadra e PSG është shpallur automatikisht kampion i “Ligue 1’, pas fitores së thellë 7-1 ndaj Monaco-s, i cili ndodhet në vendin e dytë.

Lo Celso ishte aio që zhbllokoi shifrat duke shënuar golin e parë dhe të katërt, më pas shënoi Cavani e Draksler, Di Maria gjithashtu shënoi dy herë dhe autogoli i Falkaos, çuan rezultatin në 7-1.

Ndërsa për Monaco-n golin e vetëm të takimit e shënoi Rony Lopes.

Ekipi i PSG jo vetëm që shpallet kampion i kampionatit francez, por vendos dhe një rekord, pasi në 33 javë ka arritur të shënoi plot 103 gola me një mesatare pak më shumë se 3 gola për ndeshje.

Ky është titulli i 7-të kampion i PSG-së në kampionatin e Francës.