Futbollisti shqiptar, Xherdan Shaqiri, i cili luan si mesfushor në skuadrën e Liverpool-it,  ka deklaruar se nuk po e mendon largimin nga kjo skuadër.

Ai ka thënë se me Liverpool-in synon që ta fitojë edhe Premier League, shkruan Goal.

“Kjo është arsyeja e ardhjes sime këtu”, ka pohuar Shaqiri pas fitores 2:0 të Liverpoolit kundër Tottenhamit në finalen e Champions League.

“Klubi ka nevojë për trofe dhe a nuk është fillim i mbarë ky? Vitin tjetër do të provojmë përsëri që ta fitojmë Premier League-n. Kjo është ëndrra ime e madhe, që të fitojë Premier League-n me këtë klub.

Ndihem për mrekulli. Ka kaluar goxha kohë që kur Liverpool nuk e ka fituar këtë trofe, nga 2005. Është mahnitëse kur fansave iu jep atë që meritojnë”-është shprehur Shaqiri duke shtuar se Liverpool meriton gjithçka.

“Kemi pasur një sezon shumë të mirë dhe fituan Champions League. Kemi luajtur mirë dhe e meritonim. Fituam një prej trofeve më të mëdhenj në Evropë. Kjo është mahnitëse. Kjo nuk ndodh çdo ditë”-përfundoi Shaqiri.