Chelsea, Liverpool apo Manchester City thuhet se mund të përballen me Atletico Madridin në fazën e grupeve të Ligës së Kampionëve, derisa Tottenham Hotspur pritet të ketë punë me Barcelonën.
Një faqe në Twitter ka krijuar një tabelë me shanset që skuadrat mund të luajnë mes vete në të njëjtin grup, derisa ka marrë mbi 50 milionë simulime.
Në këtë tabelë, padyshim se lajmi më i keq do të jetë për Spurs që mund të bijën në një grup me skuadrën katalunase.
Skuadra e Mauricio Pochettinos është e vetmja që gjendet në Vazon 2, pasi Chelsea, Liverpool dhe Manchester City gjenden në Vazon 1.
Manchester City mund të ketë një fat të njëjtë me Spurs, pasi në grup mund të jenë skuadrat si, Juve, Bayern apo PSG, e që mund të jetë “grupi i vdekjes”, ndërsa shorit pritet të hidhet në ditën e enjte.
