Lyoni i dha një leksion të mirë Sparta Pragës dje në ndeshjet e Europa League. Skuadra franceze fitoi me rezultat tenistik 4-3 madje edhe me 10 lojtarë ku Shaqiri ishte titullar në fushë.

Sulmuesi shqiptar nuk shënoi por ishte mes më të mirëve por ndaj tij pati disa provokime të rënda nga tifozët çekë.

Dukej sikur vendasit po nxirrnin inatin teksa rezultati ishte 2-2 dhe kamerat kapën pankarta të tifozëve çekë me hartën e Kosovës brenda kufijve të Serbisë.

Veprimi jo vetëm që nuk ndikoi aspak te Shaqiri që luajti në mënyrën më të mirë ndeshjen por është e pafalshme që disa tifozë të mbajnë parrulla provokuese dhe politike në stadium në një kompeticion të tillë.

Foto/ “Kosova është Serbi”, tifozët çekë
Nuk përjashtohet që UEFA të nisë një proçedim disiplinor ndaj Sparta Pragës e cila në këtë rast do të rrezikonte gjobë dhe ndeshje pa tifozë./Ora News