Tekniku i Liverpulit, Jurgen Klopp i ka kërkuar tifozëve të tregojnë respekt për Romën dhe të mos përsërisin skenat e turpshme me autobusin e Manchester Cityt në prag të ndeshjes së parë të çerekfinales së Champions League.

Ekipi i Klopp është detyruar të kërkojë falje për incidentin ku autobusi i “Qytetarëve” është sulmuar nga tifozët të cilët kanë hedhur shishe, fishekzjarrë dhe objekte të tjera të rënda.

Trajneri i anglezëve ka insistuar se ai kërkon të shohë të njëjtën atmosferë të martën, por pa sjelljen e panevojshme jashtë stadiumit.

“Mendoj se është e qartë, në stadium duhet ta bëni prapë, mbase edhe më mirë, jashtë stadiumit duhet të tregoni respekt”, shprehet tekniku gjerman.

“Ky është një klub fantastik futbolli, i njohur për atmosferën, kështu që nuk kemi pse bëjmë të njëjtat gjëra si ndaj Cityt. Tregoni respektin që meriton kundërshtari, pasi jemi vetëm rivalë në fushë. Mendoj se ky është një qytet i mrekullueshëm, të gjithë e njohin bukurinë e Romës, por jo të gjithë njohin dashamirësinë e popullit të Liverpoolit dhe këtë gjë duhet ta tregojmë”, tha Klopp.