Shpesh herë kemi parë që tifozët e futbollit të bëjnë çmendurira për ekipin e tyre të zemrës, por ky mbështetës i zjarrtë i Flamengos në Brazil i ka tejkaluar kufijtë, madje mund të thuhet se e ka tepruar.

Jose Mauricio dos Anjos është emri i tifozit i cili përveçse dhomën e tij e ka të mbushur me fanellat e Flamengos vendosi që fanellën kuqezi ta bëjë tatuazh në trup. E vetmja gjë që nuk bëri tatuazh nga fanella janë sponsorët. Tatuazhi mori një vit kohë për t’u përfunduar, me 32 sesione dhe 90 orë punë.

“Gjithmonë e doja një fanellë të Flamengos tatuazh. Problemi im i vetëm ishte se do të kushtonte shumë. Por, tatuatori më tha që nuk do më merrte shumë para po ta bëja, donte vetëm pak reklamë nga unë”, deklaroi tifozi i çmendur.