Me kalimin e Zlatan Ibrahimoviç në kampionatin amerikan të futbollit (MLS), dukej se sulmuesi suedez do ishte më i paguari në “tokën e premtuar” në sportin e futbollit.

Por, sipas bilanceve zyrtare del se është talenti italian, Sebastian Giovinco është ai që vlerësohet më shumë në aspektin financiar në “MLS”.

Ish-sulmuesi i Juventusit, që luan te Toronto që prej vitit 2015, ka një kontratë me skuadrën kanadeze që i garanton 7 milionë dollarë, falë edhe bonuseve të majme.

Shpikjet e tij nga goditjet e dënimit i kanë sjellë jo pak të ardhura skuadrës kanadeze, përmes sponsorëve dhe publiciteteve, e duket se investimi, që ishte një bast i rrezikshëm para 3 vitesh, po jep frytet e tij.

Ndërkohë, Ibra ka lënë mbresa te tifozët amerikanë që në debutimin e tij, me gola spektakolarë, por në listën e më të paguarve është jashtë 5 të parëve.

Në vendin e dytë, në klasifikimin e futbollistëve më të vlerësuar financiarisht, është lojtari tjetër i Torontos, Michael Bradley, ndërsa pas tij renditet sulmuesi i Los Angeles, Carlos Vela, lojtar që lë jashtë podiumit gjermanin Bastian Schëeinsteiger.