Zidan konfirmon se do të bëjë tifo për Marsellën në finalen  e Europa League, ndeshje në të cilën do të luajë kundër Atletiko Madritit.

Trajneri i Real Madridit tha:  “Unë shpresoj se Marseille mund të bëjë diçka të mirë në finale. Gjithmonë kam qenë përkrahës i tyre", tha Zidane në një intervistë të UEFA-s.

"Kur isha i ri, isha në stadiumin e Marseilles. I kam ndjekur gjithnjë dhe i uroj më të mirën në finalen me Atleticon”, shtoi tekniku i Real Madridit.

Trajneri i lindur në Marselle foli gjithashtu për rëndësinë e finales dhe për qytetin e tij.

"Është absolutisht e pabesueshme për qytetin e Marselles dhe gjithashtu për klubin, sigurisht, dhe është e pabesueshme për lojtarët. Është një qytet futbolli që ka nevojë të përjetojë këto lloj emocionesh. Duke pasur parasysh atë që kanë bërë në të kaluarën, ata janë një klub i madh dhe ata luajnë në një finale të madhe, uroj ta fitojnë”, përfundoi Zidane.