Ekipi i Juventusit mbylli më fitore sezonin e sivjetshëm. Në fushën e vet në ndeshjen e fundit ndaj Veronës ngiti edhe trofeun e 7 radhazi.
Ishte kapiteni Gigi Buffon që në ndeshjen e fundit të tij me Juventusin ngriti kupën e kampionit. Portieri luajti vetëm 63 minuta. Për shumë minuta tifozeria e ka duartrokitur, por edhe vetë Buffon i ka falenderuar tifozët nga afër.
Buffon bëri edhe një xhiro të fundit rreth e qark tribunave. Juventus e mbyll sezonin me 95 pikë në renditje, 30 ndeshje të fituara 5 barazime dhe 3 humbje.
Këtë sezon ajo rivalizoi gjatë me Napolin që në disa raste nuk e ruajti përqendrimin duke e parë t’i shkiste trofeu nga duart.
Juventus në Itali siguroi edhe trofeun e Kupës, ndërsa pati një ecuri mjaft të mirë në Champions League ku arriti të shkojë deri në gjysmëfinale.
