Cristiano Ronaldo dhe Lionel Messi do të luftojnë në tre muajt e ardhshëm që ta mbyllë sa më mirë sezonin, për tu shpallur pastaj më i miri në botë.

Debati rreth asaj se kush është lojtari më i mirë bazohet në opinione dhe ndan publikun në dy pjesë, por ka ende fakte, siç janë golat që ata kanë shënuar dhe titujt që kanë fituar, që mund ta bëjnë diferencën në një sezon.

Praktikisht tani ka një barazim mes dyshes, duke shikuar titujt e fituar nga katër në Ligën  e Kampionëve, pesë ‘Topa të Artë’ dhe katër ‘Këpucë të Arta’.

Por për të arritur te trofeu i më të mirit këtë vit, para dyshes është edhe një gare e madhe dhe e rëndësishme si Kupa e Botës, ëndërr për të dy, pasi nëse e fitojnë mund të krahasohen edhe me Pelen apo Maradonan.

Me gjithçka të hapur, tre muajt e ardhshëm do të jenë një garë e madhe, me Ronaldo që momentalisht është më lartë me formë dhe këtë e tregon edhe numri i golave.

Në anë tjetër Messi, ka pasur rënië në dhjetor dhe janar, por mars mbetet muaji i tij i preferuar kur e merr formën dhe pastaj nuk ndalet.

Kush do ta fitojë ‘Topin e Artë’ numër gjashtë, mbetet të shihet.

Dyshja janë në luftë që nga fillimet e karrierës, duke fituar 10 ‘Topat e Artë’ të fundit, me Messin që nga shumë kush shihet i avantazhuar këtë sezon.