Juventusi është sërisht pranë fitimit të titullit në “Serinë A”, por prap se prap ky fakt duket se nuk mund ta shpëtoj Allegrin nga shkarkimi. Kjo për faktin se bardhezinjtë janë me një këmbë jashtë “Champions League” si pasojë e humbjes 0-3 në ndeshjen e parë çerekfinale kundër Real Madrid.

Massimiljano Allegri i ka dhënë Juventusit tre kampionate dhe tre Kupa të Italisë, ndërsa e ka dërguar dy herë në finale të Champions League gjatë katër viteve të fundit. Por a mjafton që Allegri të qëndrojë, apo i ka ardhur fundi cikli i tij?

Sipas raportimit të mediave italiane, janë shtuar zëra se Allegri do të shkarkohet në fund të këtij sezoni, edhe nëse Juventus fiton titullin në Serinë A.

Po ashtu edhe mosha mesatare e Juventusit është për t’u riparë, pasi është 29.4 vjec pra shumë e lartë. Mbrojtja është reparti i parë për t’u rinovuar dhe mesa duket, Juventus është në prag të një ndryshimi që do të nisë nga…Allegri.