Mehdi Kavaja rreth 60 vjeç është gjetur pa shenja jete në punishten e tij në lagjen Tophane të Shkodrës ku ai bënte riparime bravash të automjeteve.

Fillimisht u mendua se vdekja ka qenë për shkaqe natyrale, por pas hetimit të kryer nga ana e policisë dhe ekspertizës mjeko-ligjore rezulton se vdekja ka ardhur si shkak i dhunës se ushtruar ndaj tij. Ku është konstatuar një vrime në kokë dhe pas autopsisë është gjetur edhe një plumb brenda.

Kanë qenë familjarët e tij që kanë gjetur 60 vjeçarin të pajetë në punishten e tij dhe kanë njoftuar policinë e cila ka bërë edhe transportimin e trupit me anë të ambulancës në spitalin e Shkodrës.

Mehdi Kavaja, kishte vite që kishte punishten në lagjen ‘Tophane’ ku kishte edhe shtëpinë, por nuk kishte konflikte me askënd. Ai njihej si mjeshtër në riparimin e bravave të automjeteve. Ende nuk ka një pistë rreth shkaqeve të kësaj ngjarjeje. Policia e Shkodrës ka nisur hetimin.