Nëpërmjet një deklarata për shtyp nga Kryetari i Grupit Parlamentar, Petrit Vasili, LSI ka deklaruar sot votën kundër në parlament për projektligjin për shembjen e Teatrit dhe ngritjen e kullave në truallin e tij.

“Grupi parlament i LSI mori në shqyrtim momentet politike më të rëndësishme ditët e fundit dhe shqyrtoi edhe vendimmarrjet e tij politike lidhur me seancën e ardhshme në Kuvendin e Shqipërisë. Fatkeqësisht, seanca e ardhshme zhvillohet menjëherë pas një dështimi të jashtëzakonshëm siç ai i mos hapjes së negociatave , në vend që të kishte një reflektim të thellë për mënyrat arrogante dhe korruptive të një qeverisjeje të kriminalizuar, përkundrazi, kemi një akt tjetër shembullor të një pacipësie pa fund, që lidhet me grabitjen në mes të ditës të pronës shtetërore dhe dhunimit të boshtit kulturor shqiptar është pikërisht ligji për Teatrin, ligj që paraprakisht po informojmë opinionin publik se Grupi parlamentar i LSI do ta votojë tërësisht kundër dhe ky është vendim unanim i Grupit dhe shumë i motivuar se lidhur me të mund të thuhet se më në Shqipëri nuk mbizotëron më shteti i së drejtës, por antiligji që është ulur këmbëkrye në kryeministrinë e vendit dhe udhëhiqet nga kryeministri i vendit. Kjo ligj është ditë e zezë për Shqipërinë", tha Vasili.