Opozita greke kërkon diskutim në komision parlamentar me dyer të mbyllura në lidhje me marrëveshjen me Shqipërinë për çështjen e kufirit detar.

Pas interpelancës pak javë më parë, nga deputeti Kumucakos, që mbeti pa përgjigje nga qeveria SYRIZA, sot 13 deputetë të Demokracia e Re kanë firmosur një letër drejtuar komisionit të Çështjeve të Mbrojtjes dhe te Jashtme të Kuvendit grek, ku kërkojnë të mos përsëritet rasti i Maqedonisë.

Duke marrë shkas nga deklaratat e fundit të dy homologëve Kotzias e Bushati në media, në fazën më kritike për marrëveshjen, opozita kërkon të informohet në kohë, të refuzojë apo reagojë, ndryshe nga pakti me Maqedoninë të cilin thirren vetëm të miratojnë.