Ligji më i diskutueshëm, ai që shemb Teatrin Kombëtar dhe i kalon truallin firmës private Fusha sh.p.k, në një sistem të rregullt drejtësie do të çonte në burg nismëtarët, përkatësisht Erjon Veliajn, Edi Ramën dhe Mirela Kumbaron.

Ligji i miratuar me forcën e kartonit nga ana e Ramës do të hidhej poshtë nëse në Shqipëri do të ekzistonte Gjykata Kushtetuese, kjo e fundit e pushuar së ekzistuari për shkak të mos plotësimit të vendeve vakant të mbetura edhe si shkak i goditjes që “Reforma e Drejtësisë Rama” u dha disa anëtarëve të kushtetueses.

Fillimisht grabitja e truallit të teatrit u tentua nga kryebashkiaku Erion Veliaj, dhe ligjërisht kalimi duhet të vinte nga Këshilli Bashkiak i Tiranës. Por mungesa e votave në këshillin Bashkiak e detyroi Veliajn të përfshinte Ministren  Kulturës Mirela Kumbaro që ta kalonte si një propozim e më pas qeveria të miratonte një vendim.

Por, nisur nga pisllëku ligjor, ai i grabitjes së mijëra metra katrorë toke publike, edhe Kumbaro iu tremb burgut.

Për të çuar deri në fund grabitjen, u shpik propozimi i projekt-ligjit që u miratua me votat e mazhorancës në Parlament.

Madje edhe projekt-ligji nuk mbajti firmat e Edi Ramës si kryeministër, Mirela Kumbaros si Ministre e kulturës, apo firmën e Erion Veliajt si kryetar i Bashkisë së Tiranës. Projektligji u dërgua në parlament me firmat e zëvendësve të tre titullarëve.

Parlamenti me ligj emëron se kompania Fusha sh.p.k merr këtë tender, pa konkurrim. Tenderë pa konkurrim nuk po guxojnë që ta bëjnë as institucionet e prokurimit publik, as bashkia, as ministria as qeveria.

Miratimi i Ligjit është parë si mundësia që Rama, Veliaj apo Kumbaro ti shpëtonin hetimit penal në të ardhmen. Nëpërmjet parlamentit qeveria shkeli Kushtetutën, por shkelja e saj nuk përbën problem për qeverinë. Gjyklata Kushtetuese nuk funksionon. Asnjë ligj nuk mund të kthehet mbrapsht.

Në këtë mënyrë ky ligj i hap rrugë mundësisë që të bëjnë ligje për të hequr gjithçka me ligje personale./55news.al