7 muaj e 15 ditë burg ka kërkuar Prokuroria e Tiranës për për ish-kryetarin e Bashkisë së Kavajës, Elvis Roshi.

Gjatë seancës ku vetë Roshi ishte i pranishëm, ai pranoi kërkesën e prokurorisë, me kusht që dënimi të konvertohet në punë publike.

Nga ana e tij avokati Maks Haxhia deklaroi se gjatë kohës që Roshi ka qenë emigrant në Itali, ka qenë i detyruar të përdorë emra të tjerë, ndërsa për gabimin në formularin e dekriminalizimit, tha se e ka bërë prej neglizhencës.

Por Gjykata e Tiranës, pasi u tërhoq për të marrë vendimin, caktoi që dënimi i Roshit të jetë 5 muaj burg, i cili u konvertua në 60 orë punë për komunitetin.

Vendimi i tij u dha pas gjykimit të shkurtuar, çka bëri që të përfitojë uljen e 1/3 së dënimit.

Roshi është vënë nën akuzë pas formularit të dekriminalizmit, ku nuk kishte deklaruar të kishte precedentë penalë.

Por nga verifikimet rezultoi se ai kishte bërë falsifikime dhe se rezultonte me precedentë penalë dhe i ndaluar nga policia italiane, gjermane dhe ajo zvicerane.