Një aksident i rëndë automobilistik kla ndodhur në aksin rrugor Gramsh-Moglicë paraditen e sotme, ku një autobus me pasagjerë ka dalë nga rruga.

 Nga raportimet paraprake mësohet se nuk ka udhëtarë të lënduar rënd, por ata janë përfshirë nga paniku.

Autobusi është përplasur me një mjet tip “Rover” me targa AA 830 JH, e për pasojë ka dalë nga rruga.

Aksidenti ka ndodhur në vendin e quajtur “Kthesa e Bersnikut”.

Autobusi ishte duke transportuar punëtorët drejt HEC-it.

Policia ka mbërritur në vendngjarje dhe po punon për zbardhjen e plotë të rrethanave të aksidentit.