Familjarët e Kleotos Çelikut i cili humbi jetën një vit me parë teksa po punonte në një pusetë të ujërave të zeza kanë bërë ditën e sotme një apel për ndihmë.

Ai gjeti vdekjen e menjëhershme pasi u asfiksua nga gazi toksik brenda pusetës.

Një vit pas kësaj ngjarje familjarët daja Fatos Hasaj dhe nëna e tij Sanije Çeliku shprehen se nuk kanë asnjë lloj ndihme dhe se dy djemtë po rriten me shumë vështirësi.

Ata kanë kërkuar disa herë mbështetje financiare, por institucionet kanë heshtur ndërsa ka akuza nga familjarët se po tentohet të fshihet ajo ngjarje dhe të mos zbardhet e vërteta.

Familjarët kërkojnë drejtësi për Kleotosin i cili humbi jetën në krye të detyrës si punonjës i ndërmarrjes së ujësjellësit.