Kapriçot që moti ka treguar nuk na kanë lejuar ta shijojmë verën ashtu siç duhet. Teksa bëhemi gati për pushimet më parë duhet të kontrollojmë çfarë ka rezervuar moti.  

Sipas parashikimit të “Meteoalb”, gjatë ditës së sotme dhe nesër temperaturat do të jenë normale, ndërsa koha mund të shoqërohet edhe me ndonjë shi lokal, por kryesisht në veri dhe juglindje të Shqipërisë.

E diela, mbetet e kthjellët në bregdet ndërsa vranësira kalimtare do ketë në pjesën tjetër të vendit; më të shpeshta në Veri–Verilindje ku priten shira afatshkurtër.

Fundjava nuk do të sjellë ndryshime të ndjeshme të vlerave termike, ekstremet ditore pritet të luhaten nga 13°C mëngjesi më i freskët në Juglindje deri në 35-36°C, maksimumi termik në zonat Perëndimore.