Policia italiane ka arrestuar një 31-vjeçar shqiptar pasi u kap me 1 kilogram hashash dhe një armë zjarri.

Operacioni u zhvillua në Arezzo, dhe bëhet me dije se shqiptari ishte pa leje qëndrimi si dhe me precedentë të mëparshëm penalë.

Pas arrestimit policia zhvilloi kontroll në banesën e shqiptarit dhe gjeti në kuzhinë sasinë e drogës, ndërsa të fshehur në jastëk i gjeti pistoletën.

Mediat raportojnë se arma ishte vjedhur dy ditë më parë.

Shqiptari, identiteti i të cilit ende nuk bëhet i ditur u arrestua për posedim droge, armëmbajtje pa leje, vjedhje dhe qëndrim i paligjshëm.