27-vjeçari shqiptar Fitm Koldashi është dënuar me 30 vjet e 8 muaj burg, pasi në qershor 2017 vrau italianin Manuel Spinelli në Alba Adriatica.
Spinelli, i shoqëruar nga miqtë e tij, po dilte nga një piceri kur aty mbërriti Koldashi i shoqëruar nga e dashura.
Arsyeja e sherrit duket se ka qenë pikërisht e dashura e shqiptarit,e cila kishte qenë e lidhur më parë me viktimën. Shpërtheu një grindje e dhunshme me sharje e grushte, deri sa Koldashi nxori thikën me të cilën goditi disa herë italianin.
Njëra prej goditje ishte në zemër, duke rezultuar fatale për Spinellin.
Krim ky të cilin shqiptari duhet ta paguajë me rreth 31 vjet pas hekurave, ndonëse në gjyq këmbëngulte se nuk mbante mend ta kishte goditur në zemër, por vetëm pranë syrit të majtë.