Policia Rrugore e Tiranës, ka bërë kontrolle të shumta për të evidentuar dhe ndëshkuar shkelësit e Kodit Rrugor, me qëllim rritjen e parametrave të sigurisë së jetës në rrugë.

Kontrollet janë përqendruar kryesisht në mos respektimin e sinjalistikës vertikale dhe horizontale, duke qarkulluar në korsitë e dedikuara për mjetet e transportit publik dhe të emergjencave.

Gjatë kontrolleve janë evidentuar 37 drejtues mjetesh të cilët janë ndëshkuar pasi qarkullonin në korsitë e rezervuara për mjetet e transportit publik.

Kontrollet do vijojnë me intensitet në rrugët interurbane dhe urbane për parandalimin e shpejtësisë tej normave të lejuara, në brendësi të lagjeve të qytetit për t’ju ardhur në ndihmë banorëve nga parkimet e parregullta, si dhe duke u bërë pengesë edhe për lëvizjen e automjeteve të emergjencave.

Do vijojë monitorimi i sjelljes së drejtuesve të automjeteve dhe motomjeteve në kryqëzime, rrethrrotullime dhe vendkalimet e këmbësorëve, në zona të ndryshme të Kryeqytetit me qëllim disiplinimin dhe parandalimin e ngjarjeve rrugore që vijnë si rezultat i këtyre shkeljeve.