Nga shkëmbimi i zjarrit që ndodhi ditën e sotme në Radhimë, mësohet se është plagosur i kërkuari nga Policia. Ai është Jorgaq Gjini, 38 vjeç nga Vlora.
Gjini ka qenë një person i kërkuar, i cili tentativës së policisë, për ta arrestuar i është përgjigjur me armë. Nga ana e saj, edhe Policia është kundërpërgjigjur me armë, duke e lënë atë të plagosur.
Policia kishte të dhëna se personi i kërkuar, jetonte në një banesë në Radhimë, ndërsa frekuentonte edhe lokalet e zonës. Pas sinjalizimeve, Policia ka rrethuar zonën.
