Edi Rama vijon me këmbënguljen në aferën e tij për shembjen e godinës së Teatrit Kombëtar.

Ai ka paralajmëruar se mazhoranca është e bindur në këtë drejtim. I pyetur në TVSH nëse qeveria do të tërhiqej nga ligji për teatrin në këmbim të votimit të ligjit për Magjistraturën, Rama tha se nuk do ta pranonte një marrëveshje të tillë.

Ai e cilësoi godinën si një ngrehinë të marrë fund ndërsa kauzën për mbrojtjen e tij si absurde.

“Nuk kemi asnjë luks dhe asnjë mundësi që të ruajmë një ngrehinë të tillë që nuk ka asnjë vlerë në asnjë kontekst të trashëgimisë kulturore botërore. Ta ruajmë për çfarë? Sot është në kushtet që duhet si një varr pa jetë”, tha Rama.