Dhjetë ditë pasi mbeti i plagosur në një aksident rrugor, një i ri nga Elbasani ka humbur jetën në Spitalin e Traumës në Tiranë.
22 vjeçari me iniciale B.T, po udhëtonte me një motoçikletë më 31 korrik të muajit të shkuar, kur u përplas nga një mjet tip Benz, i drejtuar nga 28 vjeçari, Erlind Pulaku, banues në lagjen "Kala", Elbasan.
I riu me motoçikletë banues në lagjen "Vullnetari" të qytetit të Elbasanit përfundoi në gjendje të rëndë shëndetësore në Spitalin e Traumës në Tiranë për mjekim më të specializuar.
Atë ditë u tha se ishte jashtë rrezikut për jetën, por pas 10 ditësh përpjekje, i riu nuk ia ka dalë dot të mbijetojë.
