Policia e Shtetit ka njoftuar për një ngjarje të rëndë. Burime nga policia thanë se kanë gjetur të vdekur një foshnje të porsalindur në Tiranë.
Ngjarja ka ndodhur në rrugën ‘Azem Galica’ dhe është zbuluar në orën 7:30 minuta.
“Më datë 02.09.2018, rreth orës 07:30, në rrugën ‘Azem Galica’, në një çantë të zezë, është konstatuar e braktisur dhe pa shenja jete, një foshnje e porsalindur.
Po kryhen veprimet e mëtejshme hetimore dhe proceduriale”, thuhet në njoftimin e policisë.