Policia Kufitare godet një tjetër tentativë për "Trafik të lëndëve narkotike", ku ka vënë në pranga dy persona.
Siç bëhet me dije në njoftimin shpërndarë për mediat ditën e sotme nga policia, në vijën e dytë gjatë kontrollit fizik të dy Stylianos Chiropoulos, 26 vjeç, banues në Katerinë-Greqi dhe Astrit Elezi, 27 vjeç, banues në Bulqizë, rezident në Katerinë-Greqi, të cilët udhëtonin me mjetin tip “Volksëagen” me targë AA208UF, është gjetur një sasi droge.
Gjatë kontrollit trupor të ushtruar shtetasit grek, policia bën me dije se u ka gjetur dhe sekuestruar në cilësinë e provës materiale një pako me peshë 1 Kg e 100 gr me bimë të dyshuar si narkotike Cannabis Sativa.
Në vendngjarje ka shkuar grupi hetimor dhe Specialistët për narkotikët në Drejtorinë Vendore të Policisë Korçë, ku në përfundim të veprimeve bënë arrestimin në flagrancë të këtyre shtetasve dhe referuan materialet hetimore Prokurorisë të Rrethit Gjyqësor Korçë, për veprën penale bazuar në nenin 283/a/2 të Kodit Penal, në ngarkim të këtyre shtetasve.