Një parcelë me mbi 1 mijë rrënjë bimë të dyshuara kanabis sativa është zbuluar në zonën e Selanikut në Greqi.
Policia helene ka mundur të arrestojë tre persona të dyshuar për kultivimin e bimëve narkotike. Ata janë të moshës 36, 25 dhe 24 vjeç, të tre shtetas jo grek. Sipas mediave fqinje një prej të arrestuarve është shqiptar, një grek dhe një palestinez.
Po në të njëjtin vend, pranë lumit Axios, policia gjeti edhe 7 kilogram e 50 gram kanabis. Plantacioni përbëhej nga 1,124 bimë narkotike me gjatësi rreth 30 cm deri në 3 metra.
Në zonë u gjetën edhe pompa uji, pesticide dhe mjete të ndryshme.