Të gjithë aplikantët fitues për auditues të brendshëm në sektorin publik në sezonin 2018-2019 duhet që të ndjekin tashmë procedurat respektive. Ministria për Financat dhe Ekonominë bëri me dije se afati i fundit për plotësimin e këtyre hapave është data 14 shtator ku mes të tjerave aplikantët duhet që të bëjnë edhe pagesën respektive. Për të gjithë ata që nuk kryejnë në kohë pagesën dhe procedurat e tjera nga ana e Drejtorisë së Harmonizmit Financiar pjesë e Ministrisë së Financave dhe Ekonomisë, bëhet me dije se do të bëhet ç’regjistrim nga procesi i certifikimit.

“Në mbështetje të Urdhrit të Ministrit të Financave dhe Ekonomisë nr.162, datë 29.05.2018, Drejtoria e Harmonizimit për Auditimin e Brendshëm (DHAB) njofton se, të gjithë kandidatët që janë shpallur fitues në listën përfundimtare për të ndjekur procesin e certifikimit në sezonin 2018-2019, detyrohen të paguajnë tarifën e regjistrimit të përcaktuar në VKM-në Nr.116, datë 17.02.2016 “Për mënyrën e organizimit, funksionimit dhe përbërjen e Komisionit të Kualifikimit të audituesve të brendshëm në sektorin publik dhe përcaktimin e tarifave të trajnimit”, kreu IV, pika 1, gërma (a).

Tarifa derdhet në llogarinë e Ministrisë së Financave dhe Ekonomisë ”Të ardhura” në çdo degë banke të nivelit të dytë dhe është e pakthyeshme. Afati i pagesës së tarifës së regjistrimit është nga data 30.08.2018 deri në datën 14.09.2018.

Të gjithë kandidatet e shpallur fitues në listën e publikuar, duhet të depozitojnë pranë DHAB-së, një kopje të mandatit të pagesës, jo më vonë se data 14.09.2018.

Faturën për arkëtim të tarifës së regjistrimit e gjeni dhe shkarkoni lehtësisht nga faqja e internetit e Ministrisë së Financave dhe Ekonomisë me adresë:www.financa.gov.al.

Në rast se kandidati nuk kryhen pagesën e tarifës së regjistrimit, atëherë menjëherë ç’regjistrohet nga procesi i certifikimit” thuhet në njoftimin zyrtar.

Vetëm pak kohë më parë Ministria e Financave dhe Ekonomisë publikoi listën përfundimtare të kandidatëve për auditues të brendshëm të shpallur fitues për ndjekjen e procesit të certifikimit në sezonin 2018-2019.