Deputeti i PD qarku Dibër, Xhemal Gjinkshi denoncon mungesën e furnizimit me ujë të qytetit të Peshkopisë por kjo situatë është evidente dhe në shumë Njësi Administrative duke qenë një zonë mes malesh dhe me mjaft burime. 

Ja denoncimi i Xhemal Gjunkshit në FB
“Është për të ardhur keq se edhe pas një investimi prej 4 milionë $ , qyteti i Peshkopisë është pa ujë të pijshëm.
Është për të ardhur keq ti shikosh këto burime që derdhen përrenjve e nuk vijnë në rubinetin e qytetarëve.
Është për të ardhur keq që ujësjellësi i Korabit nuk ka parë rikonstruksion , që në 2012 kur u shtua një burim i Bjeshkës së Shehut.
Është për të ardhur keq që burime ujore si Saponika 1 dhe 2 të futen në tuba për të prodhuar energji dhe Dibranët thahen për pikën e ujit.
Është e turpshme që qyteti që rrethohet në të katër anët me male e bjeshkë , me burime ujore të pa fundme , ku uji vjen me rrjedhje të lirë ,sot furnizohet me gjysëm ore ujë.
A nuk është e turpshme që banorët e njësive Arras , F Çidhën e Kastriot që janë furnizuar me ujë nga kanali i Setës , prej më shumë se dy javësh nuk kanë asnjë pikë ujë...
Kjo është papërgjegjshmëri !
Kjo është nëpërkëmbja që u bën "Rilindja" , në këmbim të votave të blera...”