Në Shqipëri, një pjesë jo e vogël e të rinjve vazhdojnë të largohen drejt emigracionit, të shtyrë nga gjendja e vështirë ekonomike, papunësia, si dhe tencionet politike në vend. Kjo po shoqërohet edhe me fenomenin e braktisjes së prindërve. Sociologët pohojnë se braktisja e prindërve po kthehet në një fenomen shqetësues për shoqërinë shqiptare ku, as strukturat shtetërore dhe as shoqëria civile nuk janë të përgatitura për t'u përballur me përmasat e këtij fenomeni.