Kina po planifikon të nisë ndërtimin e aeroportit të saj të parë në Antarktidë në muajin nëntor. Studiuesit kinezë kanë nisur punën e anketimit në përgatitje për aeroportin, i cili do të jetë në gjendje të operojë me Snow Eagle 601 të Kinës, një avion i vogël polar, sipas gazetës kineze ‘Keji Daily.’

“Si një vend i rëndësishëm kërkimor-shkencor në Antarktidë, Kina duhet të sigurojë aftësinë logjistike të mbështetjes së aktiviteteve të saj në këtë kontinet. Për këtë arsye, ndërtimi i aeroportit të ri ka rëndësi të madhe dhe siguron mbështetje për menaxhimin e hapësirës ajrore të Kinës në Antarktidë”, shkruan ‘Keji Dayili’, ndërsa shtoi se në të ardhmen aeroporti do të ofrojë garanci për avionë më të mëdhenj dhe një flotë ajrore.

Rritja e interesit mbi territorin dhe resurset në kontinentin e akullt, si dhe rrugët e vlefshme të transportit ajror nëpër rajonet polare të planetit, kanë nxitur Kinën të investojë shumë në infrastrukturën e saj antarktike.

“Në më pak se 10 vjet, Kina ka përparuar nga të qenit një lojtar i vogël në Arktik për t’u bërë një aktor i madh”, tha Anne-Marie Brady, profesoreshë e shkencave politike në Universitetin Cantebury. Sipas saj, rajonet polare, shtrati i deteve të thella dhe hapësirat e jashtme janë territoret e reja strategjike ku Kina do të tërheqë burimet e saj për t’u bërë një fuqi globale.

Në janar të këtij viti, Kina publikoi ​​një letër shtetërore që përshkruante ambiciet për të ndërtuar një “rrugë mëndafshi polare” të anijeve në të gjithë Antarktidën.

G.D/SCAN